يـا اللـي مـوقعـــك ع الــرأس



 

 



 

 

 

ياللي موقعك ع الراس

بو سلطــــان حبـيـتــك .. شـليـنـي على بـيـتــــك
بازورك ونشـرب كاس .. ياللي موقعك ع الراس

انـتـي منيـتـي والـروح .. وانتي قلبـي المجـروح
انتي الذوق والاحساس .. ياللي موقـعك ع الـراس

سهــرة بـــس تكـفـيـنـي .. فـي حـظـنـك تـدفيـنــي
يا دورة مـــن الالمـــاس .. ياللي موقعك ع الراس

قومي وارقصي لي خاص .. يا نبع الوفاء الاخلاص
وــشرب من يــدك لا باس .. ياللي موقعك ع الراس

سلـي خاطــري والبــال .. واسقيني (عسـل) لوخال
مالـي من همـوم الناس .. ياللي موقعـــك ع الراس

حطي النقــش بكفوفـك .. لجل اعيــوني اتشــوفــك
انتــي حفلـة الاعــراس .. ياللـي موقـعــك ع الراس

محلى الرقص والفستان .. والشيلة على الامتان
تحفة جسمك الحساس .. ياللي موقعك ع الراس

قــومــي ورقصــي ليـــه .. فـي رقـصـة خـلـيـجـيـــة
دقــت سـاعـة الاجـراس .. ياللـي موقعــك ع الراس

 

صالح بن سعدان الدهشلي

27/12/2017



شامخ علمها على صيرة



شامخ علمها على صيرة

https://youtu.be/xWsULRk3fnQ

الـيـافـعي قــال بـالـسرعة جـهـزت شـنـطـة وتـاشـره
               والـتذكرة جـاهــزة عـندي اعـود الـى اجـمل الاوطـان

اشتقـت لك يا عــدن واجـد واشتقـت للاهـل والجـيره
                 واكـبـر اشـواق ذي فـيني لـشوفتـك يا جبل شمسـان

لـما بـشوف الـسماء صـافي والطائـرة بالسمـاء طـيرة
                 تـنـزل مـن اعـياني الـدمعة وداخـلي يـنفجر بـركان

بـتمني انـي فـي الـرحلة مـعهم مغادر عـلى الديرة
                بآشـوف وانـظــر مـحبيـني وازور الاصحـاب والخـــلان

لـو مـا اجـد حـجز بـالرحله بـاسير لـما عـدن ســيـره
                  وان مـت مـن قبل ما سافر بالنعش شلو ابوسـلطـان

اذا تـوصـلت الــى يـافـع عـنـدي ذبـيـحة وتـعـشيرة
                 لــو عـاد انـا قـلت بـاســافـر واعـود لـلصد والـهجران

عــدن عــدن يــا مـحـبيني ابـشـر الـنـاس تـبـشـيـرة
              تـعـود اجـمـل مــن الـمـاضي وتــزرع الـليم والـرمان

وتـعود ارض الـجنوبيين شــامـخ عـلمهــا عـلى صـيره
              ونـعيــش فـي ارضـنا الـحرة نصيـر بيـن الامـم اخوان

مـا عـاد ابـغى خـبر ثـانـي والشـك والضيـق والحــيرة
               ابـغى عـدن يـا مـحبيني مـهما تـكلــف مـن الاثـمان

كلمات صالح بن سعدان الدهشلي
تاريخ / 7/1/2018

أتعــلم الســــــــحـــــر



بتعلم السحر انا قررت من أجلك
                                       لو إختـفيـتي ادلك لو تخـفـيـتـي

بسرعة البرق دايم اقدر أوصلك
                                         وإعيش جنبك اذا رحتي وذا جيتي     

اسحر ابوكي وامك لجل بآشـلك
                                      وبرفعك فوق لو شفتـك توطيـتي

وآشم عطـرك واتبع دائما ظــلك

                                           هن الاشـارة اذا صحتي وناديتي  

قلبي وروحي وعمري كل ابوهم لك
                                   خــذي حــياتي هديـة لك اذا شـيـتي

الورد وردك  وهذا الفل من فلك
                                       ينفح بعطرك وشم العطر لا بيتي

آمل روحـــي ولا يمكن انا مللك
                                       وقتي بوقتك ووقتك في مواقيتي

سنين وأعوام مرت منتظر وصلك
                                      يموت ابو سين لو قالوا توفيـتي

أختـــلاف الـــــــرأي

 

أختـــلاف الـــــــرأي

 

لا تصير المتهم وتكون قاضي
                                        ولا تدور بالبشر اشيا مضيه
خذ من الاقوال بالحكم افتراضي
                                     دام دلوك من ينابيعك فضية
ليش تتذكر زمن ولي وماضي
                                       مر دربك بالطريق العارضية
واعترف بالحق لا تكون اعتراضي
                                     او تكن في قلب احبابك شضية
هد نفسك كن مع الاصحاب حاضي
                                      نارك الحمراء باحشايك لضية
خل نفسك اين ما تجلس رياضي
                                         اقتنع دائم مع الروح الرضية     
حسبما قال المثل والكل راضي
                                       اختلاف الراي لا يفسد قضية


1/10/2017