|
كل شي معجون
يقول ابو سين وجهي مقتلـب لونـــه
ارقد وبه لون وأصبح ون قدة في لون
من كثر لفكار راســــي بانت أقــرونه
باقي بي ايام واني باليمن مقــــرون
والناس مثلي كذألك شبة مقــرونـــه
ذي ما طلع قرن في راسه طلع عرجون
الالف ماشي تكفي حبة التــونـــــة
وأربعة ألف قيمة سلة الصابــــــون
شهرين بالبيت ما شميت صانونه
ما بلصم الا طماط احمر من الكرتون
والنفط في سوقه السوداء يبيعونه
من سعر ستة وسبعة قيمة الجالون
مخبوطه الناس مكبوده ومغبونة
ولا عرفنا من العاقل من المجنون
وعبدربه مع الخبرة يقودونه
باع السيادة وباع العدل والقانون
باع اليمن مثل غيره ذي يبيعونه
ما خاف شعبه قدة بالحاضنة مضمون
يعطي الذي ينفخونه ما يريدونه
ومن تكلم بكلمة صك له مليون
دنبوع منذو الطفولة هم يسمونه
تاريخه اسود ملطخ بالدماء ملعون
سيوف لأعداء مع السياف مسنونة
جابوا لنا القهر والاحباط والطاعون
معجونة الارض والاوضاع معجونة
وكل شي باليمن أصبح بها معجون
عمياء قامت تكحل عين مجنونة
وتمسي الليل بتصيح بدون إعيون
===========
كلمات / صالح بن سعدان ابو سين
20/10/2018 م
