شاشة الاي فون

 

رسمت صورة بفكر ما لها شي ثمن
                          مضمونها لون والشكل الخفي الف لــون

ومزجتهـا في دماء قـلبي بلون البدن
                          ولبستهـا من ثـنايا خاطـري والظـنـــون

دبلجتـهـا في خيالي شكل مغري بفـن
                           حتى أصبحت معتليه للصـور والفنـــون

بحثت وتسب وفي البالتك وفتح المسن
                            وبالمواقع وفي كل المدن والحصـــون

دورت عنها بقصعات العسل واللبن
                       وفي المزارع وسط اشجارها والغصــــون

من شافني قال بن سعدان مسكين جن
                         قد كان طيب ومتواضع وقلبه حنــــــون

واليوم مجنون يعجنها مع من عجن
                       كم هم مجانين في ارض اليمن يعجنــــون

وبسـرعة البـرق جـوالي تـحرك ورن
                           يـرن في أغنية حـبـي لأجـلك يهـــــون

فتحت ون ذه عجيبة من عجيب الزمن
                          ع الفيديو بثت الصورة وبالميكرفـــون

نطقت وقالت هلا يا شيخ اسمي عدن
                         طلعت بتضحك معي في شاشة الآي فون

كلمتها رقم ان الصوت فيه الحـزن
                      ووجه شاحب مغطــى من رموش الجفــون

تضحك وتبكي ودمع أعيانها ع الوجن
                          ولابسه ثوب اسود من سـواد العـيــون

هزت خفوقي ورأسي منه الفوج حن
                       وتضـارب الفكـر في راسي لحد الجنــون

تشكي عليا من اصحاب الفتن والخون
                         عابــوا عليها طويلـين اللحي والدقــون

صارت يتيمة لمن تشكـي أمانــة لمن
                        واولادها كلهـم صاروا بعـمـق السـجــون

تنـادي الناس في كل المـدن بالـوطن
                       وتناشـد الاهل بالخارج عسـى يـرجعــون

يحــرروهـا باغـلا ما وجـد من ثـمـن
                       وبـدم لبطـال تمسـي ليـلهـا فـي سـكـــون